Bugun Qumqo’rg’on tumani “Xo’jamulki” mahallasida joylashgan 6-sonli umumta’lim maktabida tuman hokimi Anvar Normamatov, tuman Xalq qabulxonasi mudiri Rustam To’xtayev hamda tumandagi korxona va tashkilot rahbarlari, mahalla aholisi va yoshlar ishtirokida sayyor qabul bo‘lib o‘tdi.

Qabul davomida fuqarolar tomonidan asosan yo’l ta’miri, elektr energiyasi, subsidiya va boshqa masalalar yuzasidan murojaatlar kelib tushdi.

Tuman rahbari tomonidan murojaatlarining ijobiy hal etilishi bo‘yicha tegishli korxona va tashkilot rahbarlariga topshiriq va ko‘rsatmalar berilib, ijrosi nazoratga olindi.