Ammo so‘nggi yillarda hayotning sinovlari oldida ayrim oilalar bir-birini tushunib harakat qilish o‘rniga turli sabablarga ko‘ra oilaviy ajrimlarining oshib borayotganiga guvoh bo‘lyapmiz.
Qumqo‘rg‘on tumanida oilaviy ajrimlarning oldini olish bo‘yicha seminar tashkil etildi. Seminarda tuman hokim R.Gapparov, tumanlararo fuqarolik sudi raisi O‘.Mamadiev, tuman FXDYo bo‘lim boshlig‘i Sh. Abdullaeva, tuman hokimi o‘rinbosari N.Jumaevalar va 61 ta mahalla xotin –qizlar faollari ishtirok etishdi.
Unda ajrim yoqasida turgan oilalar bilan alohida ishlash, oilaviy qadriyatlarni mustahkamlash, yarashtirish komissiyasi faoliyatini jadallashtirish, ajrimlarning oldini olish borasida bajarilishi lozim bo‘lgan ishlar xususida aytib o‘tildi va huquqiy tushunchalar berildi. Ishtirokchilar mavzuga doir savollar yuzasidan kerakli ma’lumotlarga ega bo‘lishdi.
© Qumqo‘rg‘on tumani hokimligi veb-saytlari 2024